發洩

昨日, 我同老爸同哥哥去了k....又係豪食....haha...

我們老地方港晶終於開番...不過有d失望.....指示唔清楚, 自助餐放左係走廊位, 勁無位行...廁所地下勁滑....野食少左, 無0甘好食...

我之前都同過肥企鵝講過想k, 想發洩.....但無錢, 今次正, 唔駛比錢....
今個星期心情差d, 當然無駛人知, 點解? 因為我唔似肥企鵝0甘放晒係塊面比人知唔開心....我可以笑得出, 不過笑完好快收返....唱k發洩係唔錯的方法, 因為我無得打波發洩呀麻....不過"後生大聯盟" 搞到我條氣差左, 太多勁咳了...搞到把聲好快沙....發洩得唔暢快......唉.....

嘿....激死我......

過去一星期好疲累....唔係開夜就開早, 一係就係屋企做公司野....好累....

星期一晚去了尖咀睇吊機...順便睇埋夜境....這張相好像映夜境多過映機....hahaha..

那晚有個口末遮攔的同事激到我好嬲.....一向人地話我肥我一笑置之無所謂, 而佢同佢又唔係好熟, 識得果一個月, 之前佢都講過下, 我當講笑就算, 今次好認真做野, 要上個platform check 野, 的確個位好難上的, 條cat ladder有兩大條喉頂住, 我咪唔上, 條友想比個袋的幫佢拿, fine, 我無所謂, 但佢無啦啦講話我肥上唔到, 我把幾火, 我話唔拿,佢自己拿到夠, 我行開, 佢係0甘追住叫我幫佢拿...我鬧佢, 係我第一次句句粗口鬧人....我唔係勁嬲我唔做0甘.....平時講笑就算, 做緊野架麻, 同佢好熟咩...本來之前講過之後去旺角飲野, 但之後我跟判頭車走, 無理佢喎....後來肥企鵝同我一齊走.....我同肥企鵝講番, 佢都話個cat ladder 個位佢都唔敢上, 驚攝住左....

我好好蝦嗎? 點解又唔見那口末遮攔的同事話肥企鵝身短腳短又矮呢? 又唔話下d男人髮線向後移? 男人的致命傷就係髮線同高度, 佢地又唔諗下如果人地0甘話佢地, 佢地有咩感覺? 最叻就話女仔....我有品唔話佢地0查.....嘿....激死我......

log out 事件...

講起開夜, 我諗起係公司一件好好笑ga事....
話說公司有個system係上去公用的行事歷log番你去邊...
0甘我問肥企鵝, 佢唔識, 之後我們走去問一個40幾歲的同事, 點log out....
我們已開埋個outlook問佢, 之後佢真係log out ar, 係log out左部電腦....我們兩個呆左, o 晒咀...之後勁笑, 笑唔停....好似好衰0甘, 不過真係好好笑....
到昨晚我們再講, 都覺得好好笑....
hahaha..........

好自為之啦....

昨晚同肥企鵝開完夜之後出左旺角....同個判頭食完宵夜, 原本打算食宵夜時傾下野, but有人係到就算啦, 食完後, 見又未夠3點 (我們log 左3點放工ga ma!haha...), 就同佢傾野...

前幾天, 我當然發覺到佢對我的惡意...點解? 因為佢覺得我威脅到lor...就因為0甘, 激死我!! 另外東樹大人對佢有不滿, 令到幾日來, 同東樹大人出site時我就負責聽東樹大人呻.....如果無人比東樹大人呻下, 佢會谷死ga....

昨晚 (應該今朝), 我都0我左肥企鵝好耐....一路圍住旺角行一路傾, 不經不覺都傾左45min都有...走時都3點幾了....我希望真的話得醒佢啦....0甘大個人仲細路仔脾氣...都話奶仔有樣睇ga la...佢都應同架....唉...一來佢要做好自己本份搞番d信心比東樹大人先得....二來留意下自己d態度....唉....前幾日我都已借d意醒佢幾句叫佢分清敵我, 不過佢當時收唔到0甘, 所以昨晚我講得清楚, 唉...我威脅佢? 都多9如啦...事實佢自己都知過一年幾左右會升佢即我無行ga la, 我本來諗住過多年幾兩年升得我掛, 現在...唉, 無計啦....我做冷氣經驗係多過佢, 佢做左十幾年野, 不過上年先開始做冷氣, 但人事部點會理你冷氣定電ga....所以升佢都正常ga....
我? 請返來幫佢做野lor....hahaha...廉價勞工呀麻.....升佢無所謂, 不過佢真係要搞掂佢d態度..我都唔係好老脾ga 查...前幾日我忍佢ga 0查...之後?睇心情啦....

希望佢明我講ga 野la....我做到ga 就係點醒佢同係東樹大人面前講好話0查.....

老了...

昨日同霍老板傾左好耐...有傾佢 ga 野, 亦有傾我 ga 野...
令我有所得著, 令我有機會再review一下自己的mind...
發覺自己老了...心境上...成熟了很多...真係很多....可能以前太過細路女吧.....諗番年幾前的傻事, 自己都覺可笑....
這一年間, 好像好耐無為唔開心而哭過...上一次哭是照腸驚到哭...好多野放開了...
昨日的傾談, 先知自己現在對感情太過理性...太清醒也未必係一件好事.....

昨日係公司, 肥企鵝成日都話我知邊個靚仔邊個得, 佢驚死我嫁唔出0甘....不過又比我話鬼佢啦...睇靚仔當然靚仔先值得一睇啦, 好像之前site visit 見過一個technican 勁似郭品超仲要大隻wor, 依d先睇得過ga ma.....但佢講果d仲差好遠....而男朋友又未必要靚仔ga 播.....我問佢如果有個 女仔, 靚女但勁鍾意名牌仲要人工得幾千蚊都要買幾千蚊袋, 又要用男朋友錢, 你要唔要...佢答我: "玩左先..." 哈哈...答得幾有創意....唔通揾ｄtechnican 咩, 溝通唔到ga la! 位置唔同諗野相差太遠...不過高學歷又未必溝通到, 點解? 哈哈哈...有個實例ga la....佢身邊太多無謂人, 佢又易受人影響, 諗野愈來愈唔成熟了...溝通唔到自然有磨擦啦....

不過bad condition of my health...therefore, 拍拖? no la....

講起那位高學歷人士, 識佢好多年, 卻愈來愈陌生...距離變得愈來愈遠.....以前覺得佢對人好誠懇, 好真, 好信得過, 好負責任, 可以叫做好男人...現在卻好恐怖....好假, 好有機心, 好利用人, 好勢利, 好虛偽...唉...

相信我的好爸爸同好哥哥對我不用那麼擔心了...擔心就擔心下我幾時先肯去減肥吧...hahaha...肥成0甘都幾驚, 不過我現在個膽大了....hahahaha......

weekly report....hahahaha....

幾日無寫野tim.....

星期一約左舊信興友k, 好耐無k了....原本6個人, 最後只有3個人....就係我, 肥企鵝同大口鴨...雖然人少, 不過勁開心....可能就算多人, 都係我們3個拿咪...不過, 唔知點解唔夠氣, 做左"後生大聯盟"之後, 身體好差, 連氣也破了...唉.....

當唱唱下時, 突然大口鴨話我們係"key"...我話咩野key, 佢就話 "k"it; "e"ddie; "y"y = key...
我一聽左之後, 呆左, 而且 "o" 咀....好老土呀....不過勁搞笑lor....我覺得我們3個一齊時就會好嘈的了....如果一齊入晒"安樂窩", 一定嚇死其他人...hahahaha...

另外, 星期五同左"霍老板"食飯...我兩年無見佢ga la....電話就講得多.....
佢真無變了....變得靜左....反而我嘈左...吹水的工作就由我負責左....
可能佢心情問題吧....食完飯, 行左陣, 再飲野, 傾到十二點幾一點先走....

我個心唔安樂呀!!!

今晚又要做公司野.....
入左安樂窩差不多兩星期, 的確, 比起之前後生大聯盟易熟落d...

不過, 我入左安樂窩唔知對肥企鵝是福還是禍....
今日佢說了些話, 雖然之後佢話講笑, 但我覺得唔係....
最近, 東樹大人同佢關係唔係0甘好, 唔知關唔關我事...可能有d關掛....始終有對比...

這兩天, 雖然他們好像沒事, 都有交談, 不過只限公事....好像有d芥蒂....見肥企鵝唔開心0甘, 我個心都有點唔安樂....

的確, 肥企鵝有d善忘, 我都希望可以幫下佢記, 免得比東樹大人插....

唉....我都驚有一日, 我都比東樹大人鬧....